Fransa millisinin futbolçusu Pol Poqba gələcək karyerası ilə bağlı fikrini dəyişib.

Apasport.az saytının məlumatına görə, İngiltərə “Mançester Yunayted”inin yarımmüdafiəçisi klubla müqaviləni uzatmaq qərarına gəlib.

Bir müddət əvvələdək yeni anlaşmadan imtina edən Poqbanın fikrinin dəyişməsinə “Nyukasl”la oyun (4:1) səbəb olub. Kriştiano Ronaldonun dönüşündən sonrakı ilk qarşılaşmanın parlaq alınması Polun fikrinə təsir edib.

28 yaşlı fransalının hazırkı müqaviləsi 2022-ci ilin yayında başa çatacaq. O, son matça qədər gələn yay azad agent statusu alıb “Real” və ya “Yuventus”a keçməyi düşünürdü.

Qeyd edək ki, Poqba cari mövsümün 4 oyununda 7 assistə imza atıb.

• Yasin Kol və Göktuğ Hazar Erel məhkəməyə göndərildi
• “Real” üçün kabus kimi “El-Klassiko” – "Barselona"dan 7:0
• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu