“Qarabağ” daha bir transferini reallaşdırıb.

Apasport.az saytının məlumatına görə, Ağdam təmsilçisi yeni oyunçusu özünün yutub kanalı vasitəsilə təqdim edib.

Ölkəmizi Konfrans Liqasında təmsil edəcək “Qarabağ” monteneqrolu Marko Veşoviçlə heyətini gücləndirdiyini açıqlayıb. Ötən mövsümün sonunda Varşava “Legiya”sından ayrılan 30 yaşlı sağ cinah oyunçusu yeni komandasında 29 nömrəli formanı geyinəcək. Onunla 2 illik müqavilə imzalanıb. 

Monteneqro millisinin də şərəfini qoruyan Marko Veşoviç sağ cinah müdafiəçisi ilə yanaşı, vinger mövqeyində də çıxış edə bilir. “Buduçnost”un yetirməsi 2014/15 mövsümündə İtaliyada “Torino”nun heyətində çıxış edib.

Qeyd edək ki, “Qarabağ” buna qədər Kadi Borqes və Ramil Şeydayevi transfer edib.
 

• 15 qurtarış! - Kurasao qapıçısı matçın oyunçusu seçildi
• 156 minlik ölkədən tarixi nəticə - Kurasao DÇ-da ilk xalını qazandı
• Tonali uğrunda mübarizə - "Tottenhem"dən 75 milyonluq təklif
• Kloppdan Türkiyə sözləri - “Təzyiqə dözə bilmədilər”
• Çalhanoğlunun həyat yoldaşından sərt reaksiya: "Dünən alqışlayırdınız..."