Avropa Liqasının dördüncü təsnifat mərhələsinin cavab oyunları daha iki rekordla əlamətdar oldu. Apasport.az saytının məlumatına görə, “Bakı” klubu bir mövsüm ərzində qitə kuboklarında vurduğu qolların sayını 8-ə çatdırmaqla, yeni Azərbaycan rekordu müəyyənləşdirdi. Bu qolların yarısına imza atan Feliks Felipe Almeydanın İsveçrədə “Bazel”ə vurduğu top həm də fərdi rekordla əlamətdar oldu.

Belə ki, braziliyalı bir mövsümə 4 qol vuran ilk təmsilçimiz olub. Feliks bu qolla Azərbaycan klublarının avrokuboklar tarixindəki ən yaxşı bombardirlərinə çatıb. Cənubi amerikalı ona qədər 4 dəfə qitə miqyaslı turnirlərdə qol sevinci yaşamış Badri Kvaratsxeliya və Rəşad Sadıqovun nəticəsini təkrarlayıb. Ümumilikdə, 12 qol vuran “FBR” (Feliks, Badri, Rəşad) ayrı-ayrı vaxtlarda klublarımızı arxasınca daşıyıb. Braziliyalı “Bakı”nı, Badri “Şəmkir”, Rəşad isə “Neftçi”ylə “Qarabağ”ı qolları ilə irəli aparıb.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO