Qyoko Hacıyevskiyə 3 gün vaxt verilib

07.07.2010 - 12:36

Unibank Premyer Liqasının hazırlığını Bakıda həyata keçirən “Simurq” gündə 2 dəfə olmaqla məşqlərini davam etdirir. Baş məşqçi Qyoko Hacıyevski eyni zamanda heyəti komplektləşdirmək istiqamətində də işlər görür.

Makedoniyalı mütəxəssisin yeni mövsümdə hansı futbolçuların xidmətindən istifadə edəcəyi 3 gün ərzində dəqiqləşəcək. Bu haqda apasport.az saytına komandanın prezidenti Zaur Məmmədov məlumat verib: “Hacıyevski bizə hələ xidmətində maraqlı olduğu futbolçuların siyahısını təqdim etməyib. Amma iyulun 10-dək bu proses yekunlaşmalıdır. Həmin gün hansı futbolçularla müqavilə imzalayacağımız dəqiqləşəcək”.