“Qarabağ” avrokuboklarda yubiley oyununa çıxacaq.

Apasport.az saytının məlumatına görə, Konfrans Liqasının qrup mərhələsinin VI turunun “Bazel”lə qarşılaşması Ağdam klubunun qitə miqyaslı turnirlərdə 140-cı matçı olacaq.

Təmsilçimiz indiyədək 139 görüşə çıxıb. Bu oyunlardan 51-də “Qarabağ” qalib gəlib.

Eyni sayda məğlubiyyət alan ağdamlılar İsveçrədəki görüşdə bu tarazlığı dəyişə bilər. Komandanın aktivində 37 heç-heçə də var.

139 matçda 148 qol vuran “Qarabağ” Bazeldə yubiley topuna da imza ata bilər. Bunun üçün qonaqlar 2 dəfə meydan sahiblərinin qapısına yol tapmalıdır. Təmsilçimiz öz qapısından 168 top buraxıb.

Qeyd edək ki, “Qarabağ” avrokuboklarda 1996/97 mövsümündə debüt edib.
 

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI