“Hər şey baş verəndən sonra xəstəxanaya gedərkən yoldaşıma dedim ki, butslarımı mismardan asa bilərəm”.

Apasport.az saytının məlumatına görə, bunu Danimarka millisinin yarımmüdafiəçisi Kristian Eriksen AVRO-2020-nin qrup mərhələsində Finlandiya (0:1) ilə oyunda ürəyinin dayanması barədə danışarkən deyib.

İngiltərənin “Brentford” klubu ilə anlaşan ulduz futbolçu karyerasını bitirib-bitirməməsi barədə çox düşündüyünü söyləyib: “Həmin gün futboldan getmək istəyirdim, qərar iki gündə dəyişdi. Başıma gələnləri bir neçə gün sonra başa düşdüm. Sonra testlər, təhlillər başladı və getdikcə daha çox düşünməyə başladım. Sağalmağa doğru gedirdim. Bildirdim ki, tibbi testlərin nəticələri qaydasında olsa, karyeramı davam etdirə biləcəyəm. Ürəyimin stressə necə cavab verəcəyini görmək üçün çoxlu fiziki testlər etdim. Xoşbəxtlikdən hər şey yaxşı keçdi”.

Qeyd edək ki, Kristian Eriksen “Brentford”la mövsümün sonuna qədər müqavilə imzalayıb. 30 yaşlı oyunçunun tibbi testlərdən uğurla keçdiyi açıqlanıb.
 

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA