FIFA builki dünya çempionatının təşkilatçılığı üçün rekord məbləğdə gəlir əldə edəcək.

Apasport.az saytının məlumatına görə, bunu qurumun bu gün keçirilən 72-ci Konqresində prezident Canni İnfantino açıqlayıb.

Onun sözlərinə görə, FIFA Qətərdəki mundialdan 7 milyard dollar qazanc götürəcək. İsveçrəli funksioner qurumun maliyyə durumunun yaxşı olduğunu bildirib. FIFA ötən dörd il ərzində dünya çempionatından 6,4 milyard dollar qazanmağı hədəfləyirdisə, artıq bu məbləğin 7 milyard olmasına çalışır.

Rəhbərlik koronavirus pandemiyasına baxmayaraq, tamaşaçıların oyunlara televizordan baxması və digər yeni platformalardan istifadə etməsi ilə TV, sponsorluq və marketinq gəlirlərində artım gözləyir. Həmçinin dekabrın 18-də keçiriləcək final matçının yayım hüquqlarının rekord gəlirə səbəb olması proqnozlaşdırılır. 

Qeyd edək ki, dünya çempionatı noyabrın 21-dən dekabrın 18-dək keçiriləcək.
 

• Tuxeldən sürpriz qərar – 16 yaşlı “Arsenal”lı İngiltərə millisinə qoşula bilər
• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq