FIFA Almaniya millisini dünya çempionatının I turunda Yaponiya ilə oyundan əvvəl etdiyi hərəkətə görə cəzalandırmayacaq.

Apasport.az saytının məlumatına görə, Asiya təmsilçisinin 2:1 hesabı ilə qalib gəldiyi matçdan əvvəl alman futbolçular kollektiv fotoda əlləri ilə ağızlarını bağlayıblar.

Onlar bunu FIFA-nın “OneLove” kapitan sarğılarını qadağan etməsinə etiraz əlaməti olaraq ediblər. Bundestimin kapitanı Manuel Noyer də məsələyə münasibət bildirib: “FIFA sarğımızı ala bilər, amma bizi heç vaxt susdurmayacaqlar. Öz dəyərlərimizi və insan haqlarımızı müdafiə edirik”.

Almaniya Futbol İttifaqı isə oyunçularını müdafiə edib: “Bizim üçün sarğıdan imtina etmək səsdən imtina etmək kimidir. İnsan hüquqları müzakirə edilə bilməz”.

Qeyd edək ki, Almaniya yığması E qrupunda növbəti oyununu noyabrın 27-də İspaniyaya qarşı keçirəcək.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı