Cənubi Koreya millisinin müdafiəçisi Kim Min-Jaenin zədələnməsi klubu “Napoli”nin narahatlığına səbəb olub.

Apasport.az saytının məlumatına görə, 26 yaşlı oyunçu dünya çempionatının qrup mərhələsinin II turunda Qana ilə (2:3) qarşılaşmada sıradan çıxıb.

Mərkəz müdafiəçisi baldırından xəsarət almasına baxmayaraq, məşqçilər korpusu onu qrupun son turunda Portuqaliya ilə matçda meydana buraxmağı planlaşdırır. Bu isə İtaliya klubunun narazılığı ilə qarşılanıb. Neapollular Kim Min-Jaenin iştirakı təqdirində FIFA-ya rəsmi şikayət ünvanlamağı düşünür.

Qeyd edək ki, “Napoli”yə yay fasiləsində “Fənərbaxça”dan keçən Kim Min-Jae bu mövsüm 20 oyunda 2 qol vurub.
 

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək