İtaliyanın "Yuventus" klubunun və Fransa millisinin yarımmüdafiəçisi Pol Poqba antidopinq qaydalarını pozduğuna görə 4 il müddətinə futboldan uzaqlaşdırılıb.

Apasport.az xəbər verir ki, bu barədə italiyalı jurnalist Nikolo Şira öz "X" səhifəsində məlumat verib.

Xatırladaq ki, 2023-cü il sentyabrın 11-də Poqbanın dopinq testində testosteron testi müsbət çıxdıqdan sonra futbolçunun "Yuventus"da çıxışı müvəqqəti olaraq dayandırılıb. Daha sonra yenidən test edilən futbolçunun nəticələri yenə müsbət nəticə verib.

30 yaşlı fransalı 2018-ci ildə dünya çempionu, 2016-cı ildə isə Avropanın gümüş mükafatçısı olub. Futbolçu karyerası ərzində Avropa Liqasının qalibi olduğu (2017) İngiltərənin "Mançester Yunayted" klubunda da çıxış edib. “Yuventus”la futbolçu 4 dəfə İtaliya çempionu olub, 3 dəfə ölkə Superkubokunu, 2 dəfə İtaliya kubokunu qazanıb.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir