“Çelsi”nin baş məşqçisi Qrem Potter maraqlı təkliflə çıxış edib.

Apasport.az saytının məlumatına görə, 47 yaşlı mütəxəssis klubları Premyer Liqa oyunları zamanı səfər matçları üçün təyyarələrdən istifadəni dayandırmağa çağırıb.

İngiltərəli çalışdırıcı bunun ətraf mühiti qorumaq baxımından mühüm olduğunu düşünür: “Premyer Liqa oyunlarına necə uçacağımız barədə düşünməyə dəyər. Biz ölkə daxilində uçuruq - bu da asan deyil. Mütləq başqa həll yolları tapa bilməliyik. Əgər buna ciddi yanaşsaq, bu məsələdə daha yaxşı işlər görə bilərik. İsti havada məşq etmək istəyirsinizsə, təyyarələrdən istifadəni başa düşürəm. Ancaq mən Premyer Liqadan danışıram. Bundan əlavə, uzun məsafəli uçuşlarda əmələ gələn tullantıların miqdarı haqda düşünsəniz, bunların heç də sağlam olmadığını görərsiniz”.

Qeyd edək ki, “Çelsi” hazırda Premyer Liqada 21 xalla 7-ci pillədə qərarlaşır.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı