Baş məşqçi postunda dəyişiklik edən “Beşiktaş” futbolçu heyətində də rotasiyalara əl atacaq.

Apasport.az saytının Türkiyə mətbuatına istinadən məlumatına görə, yeni çalışdırıcı Şenol Güneş həm göndərilməsini, həm də transfer edilməsini istədiyi oyunçuları müəyyənləşdirib.

Təcrübəli mütəxəssis müdafiə xəttindəki problemi “Sassuolo”lu Kaan Ayhanla yoluna qoymaq niyyətindədir. Həmçinin icarə əsasında “Beşiktaş”da çıxış edən Tayfun Bingölün transfer vərəqəsinin “Alanyaspor”dan alınması qərara alınıb.

Şenol Güneş 6 oyunçunun isə qış fasiləsində yola salınmasının tərəfdarıdır. O, Utku Yuvakuran, Tayler Boyd, Velinton, Artur Masuaku, Xavi Montero və Kevin Nkududan məmnun deyil. Adıçəkilən futbolçular dekabrın sonuna qədər baş məşqçinin gözünə girə bilməsə, yanvarda transferə çıxarılacaq.

Qeyd edək ki, “Beşiktaş” Super Liqada 22 xalla turnir cədvəlinin 6-cı pilləsində qərarlaşıb.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı