Türkiyə Birinci Liqasında keçirilən "Göztəpə" - "Altay" matçında xoşagəlməz olaylar yaşanıb.

Apasport.az saytı xəbər verir ki, 15-ci turda keçirilən İzmir derbisinin 19-cu dəqiqəsində qonaq komanda tərəfdarları protexniki vasitələrdən istifadə ediblər.

Nəticədə bir fanat yaralanıb. Ona yardım göstərilməsi üçün meydana təcili yardım avtomobili daxil olub.

Bu əsnada ev sahibi komandanın bir azarkeşi meydana daxil olaraq künc bayrağının dirəyi ilə "Altay"ın qapıçısı Ozan Evrim Özençə hücum edib. Baş nahiyəsindən ciddi zədə alan 29 yaşlı qolkiper xəstəxanaya aparılıb. Görüşün baş hakimi Emre Kargin isə matçı yarımçıq dayandırıb.

Qeyd edək ki, baş verən hadisələrə qədər oyunda hesab açılmamışdı.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı