Ümit Karanın narkotik testi pozitiv çıxıb

19.01.2026 - 23:12

İstanbul Baş Prokurorluğu tərəfindən məşhurların iştirakı ilə bağlı aparılan narkotik istintaqı davam edir.

Apasport.az xəbər verir ki, istintaq çərçivəsində saxlanılan “Qalatasaray”ın sabiq futbolçusu Ümit Karanın qan nümunələri Məhkəmə-Tibbi Ekspertiza Qurumu tərəfindən yoxlanılıb.

49 yaşlı veteran futbolçunun qan və sidik nümunələri üzərində aparılan analizlərin nəticələrinin müsbət olduğu bildirilib.

Qeyd edək ki, bir neçə gün əvvəl “narkotik maddələrin təmin edilməsi” və “narkotik maddələrdən istifadəyə kömək” ittihamları ilə polis tərəfindən Sabiha Gökçen adına İstanbul Hava Limanında saxlanılan Ümit Karan barəsində həbs qətimkan tədbiri seçilib.