"Qalatasaray"ın hücumçusu Viktor Osimhen 2026 Dünya Çempionatının Afrika zonası pley-off finalında Nigeriya yığmasının heyətində Demokratik Konqoya qarşı meydana çıxıb.

Apasport.az xəbər verir ki, görüşün ikinci hissəsində zədə səbəbindən oyundan çıxan 25 yaşlı forvardın vəziyyəti “sarı-qırmızılılar”ın narahatlığına səbəb olub.

Matçdan sonra Nigeriyanın baş məşqçisi Erik Çelle futbolçunun zədəsi ilə bağlı açıqlama verib:

“Osimhen fasilədə ayağının arxa tərəfində ağrı hiss etdiyini dedi. Risk etməmək üçün onu oyundan çıxardıq". 

"Qalatasaray"lı ulduzun durumuna yaxın günlərdə aparılacaq tibbi testlərdən sonra tam şəkildə aydınlıq gələcək.

Qeyd edək ki, Nigeriya penaltilərdə Demokratik Konqoya 3:4 hesabı ilə məğlub olaraq mundial şansını itirib.

• PSJ İngiltərə millisinin üzvü ilə maraqlanır
• “Dortmund”un forvardı ərəblərin radarında
• "Arsenal"ın müdafiəçisi sıradan çıxıb
• "Qalatasaray" Lookman üçün hərəkətə keçir – 40 milyon avroluq təklif hazırlanır
• “Real”ın futbolçusu məşqləri dayandırıb