Bununla da, ölkəmiz planetin ən nüfuzlu yarışına qatılmaq üçün 39-cu lisenziyaya sahib çıxıb. İndiyədək idmançılarımız olimpiadaya maksimum 38 lisenziya qazanmışdılar. Olimpiya yığmamız 1996-cı ildə Atlantaya 23, 2000-ci ildə Sidneyə 31, 2004-cü ildə isə Afinaya 38 vəsiqə əldə etmişdi. Pekin Yay Olimpiya Oyunlarına təsnifat xarakterli turnirlər başa çatmamış idmançılarımız 4 il əvvəlki göstəricini üstələyiblər. Qarşıdakı olimpiadada ölkəmizin güləş (16 lisenziya), cüdo (6), ağır atletika (5), bədii gimnastika (3), boks (2), atletika (2), üzgüçülük (2), taekvondo (1), atıcılıq (1) və atçılıq (1) növlərində təmsil olunacağı dəqiqdir. Lisenziya xarakterli yarışlar iyunun sonlarında yekunlaşacaq.
Qeyd edək ki, Pekin Olimpiadası bu il 8-24 avqust aralığında keçiriləcək.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub