Bakı. Kənan Həsənov - APA-Sport. Azərbaycan qılıncoynadanı Səbinə Əmrahzadənin Pekin Yay Olimpiya Oyunlarında iştirak edib-etməyəcəyi iyunun 2-də bəlli olacaq. Bu haqda “APA-Sport” agentliyinə Qılıncoynatma Federasiyasının vitse-prezidenti Yaşar Məmmədov məlumat verib. Onun sözlərinə görə, bu məsələ Beynəlxalq Qılıncoynatma Federasiyasının (FİE) iyunun 2-də İsveçrənin Lozanna şəhərində keçiriləcək toplantısında müzakirə olunacaq. FİE-nin Milli Olimpiya Komitəsinin müraciəti əsasında, dünya reytinq sıralamasında 108-ci yeri tutan S.Əmrahzadəyə güzəştli kart verəcəyi gözlənilir.
Qeyd edək ki, Azərbaycan qılıncoynadanları indiyədək keçirilən nüfuzlu beynəlxalq turnirlərdə uğursuz çıxış edərək Pekin olimpiadasına lisenziya qazana bilməyiblər.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub