Bakı. Kənan Həsənov - APA-Sport. Azərbaycanın basketbol üzrə milli komandasının lideri Aleksandr Rındinin şərəfini qoruduğu “Ural-Qreyt-2” klubu Rusiya çempionatının güclülər dəstəsində ikinci yeri tutub. “APA-Sport” agentliyinin məlumatına görə, həmyerlimizin komandası keçirdiyi 56 oyunun 44-də qələbə qazanıb və 12 dəfə uduzub. Nəticədə 100 xal toplayan “Ural-Qreyt-2” gümüş medala sahib çıxıb. Birinci yeri isə 106 xalla Saransk şəhərinin “Ruskon-Mordoviya” klubu qazanıb.
Qeyd edək ki, bu, iki il əvvəl üçqat Azərbaycan çempionu “Qala” klubundan transfer edilən 225 sm boya malik A.Rındinin legioner karyerasında ilk uğurudur.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub