Madrid. Elşən Məmmədov-APA-Sport. İspaniyanın paytaxtı Madriddə keçirilən badminton üzrə beynəlxalq turnirə yekun vurulub. «APA-Sport» agentliyinin məlumatına görə, sayca XXI dəfə keçirilən yarışda ilk dəfə Azərbaycan idmançıları da qüvvələrini sınayıblar. Belə ki, yığmamızın baş məşqçisi Ceyhun Məmmədəliyevin rəhbərliyi altında badmintonçularımız Kənan Rzayevlə Orxan Qələndərov çıxış ediblər. Lakin təmsilçilərimiz həm fərdi, həm də qoşa mübarizədə təsnifat mərhələsinin ilk görüşündəcə uğursuzluğa düçar olublar. Belə ki, fərdi mübarizədə hər iki idmançımızın qarşısını almaniyalı badmintonçular kəsiblər. K.Rzayev Filip Mertsə 7:21, 9:21, O.Qələndərov isə Marsel Röyterə 2:21, 6:21 hesabı ilə yeniliblər. Qoşa yarışlara gəldikdə, K.Rzayev - O.Qələndərov dueti Alexandro Barriqa – Ernesto Velaskes (İspaniya) cütünə məğlub olub – 8:21, 12:21.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub