“APA-Sport” agentliyinin məlumatına görə, tədbirdə ACF-nin prezidenti Füzuli Ələkbərov çıxış edərək, ölkəmizdə cüdonun inkişafından danışıb. Bildirilib ki, ötən il cüdoçularımız rəsmi yarışlarda 24 qızıl, 14 gümüş və 26 bürünc medal qazanıblar. Həmçinin yığmanın 6 üzvü Pekin Olimpiadasında iştirak hüququna yiyələnib. F.Ələkbərov cüdoçuların qarşıdakı mötəbər yarışda ümidləri doğruldaraq, medal qazanacaqlarına inamını ifadə edib: “Olimpiadaya yollanacaq cüdoçularımız istedadlı və bacarıqlıdırlar. Bu baxımdan onların hər birinin vətənə medalla dönəcəklərinə ümidvaram”. Daha sonra F.Ələkbərov növbəti Yay Olimpiya Oyunlarına lisenziya qazanmış Ramil Qasımov, Elnur Məmmədli, Mehman Əzizov, Elxan Məmmədov, Mövlud Mirəliyev və Kifayət Qasımovanı 10 min manat məbləğində mükafatlandırıb. ACF başçısı mükafatlandırma zamanı olimpiadadan kənarda qalan Elxan Rəcəblini də unutmayıb. Bundan başqa, 2007-ci ildə fərqlənən cüdoçular və onların məşqçiləri, federasiya rəsmiləri mükafatlandırılıblar. Sonda çıxış edən cüdoçular və məşqçilər ACF rəhbərliyinə minnətdarlıqlarını bildiriblər.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək