Bakı. Kənan Həsənov - APA-Sport. Rusiyanın “64” jurnalı 2007-ci ilin ən yaxşı qrossmeysterini müəyyənləşdirmək məqsədilə keçirdiyi sorğunun yekun nəticəsini açıqlayıb. “APA-Sport” agentliyinin məlumatına görə, müxtəlif ölkələrin şahmatçılarının, jurnalistlərinin və mütəxəssislərinin qatıldığı səsvermədə qalib adını dünya çempionu Vişvanatan Anand qazanıb. 2419 xalla birinci yeri tutan hindistanlı qrossmeysterə jurnalın təsis etdiyi “Oskar” mükafatı təqdim olunacaq. Sonrakı iki pillədə müvafiq olaraq, Vladimir Kramnik (Rusiya, 1848 xal) və Qata Kamski (ABŞ, 1210 xal) qərarlaşıb. Azərbaycan milli komandasının lideri Teymur Rəcəbov 330 xalla 10-cu olub. Digər təmsilçimiz Şəhriyar Məmmədyarov 20 şahmatçının sıralamasında 13-cü yeri tutub.
Qeyd edək ki, şahmat “Oskarı” 1995-ci ildə təsis edilib. İndiyədək bu mükafata Harri Kasparov (Rusiya, 5 dəfə), V.Anand (4 dəfə), Vladimir Kramnik (Rusiya, 2 dəfə) və Veselin Topalov (Bolqarıstan, 1 dəfə) layiq görülüb.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub