Bakı. Elşən Məmmədov – APA-Sport. Azərbaycan karateçiləri İsveçin Eslov şəhərində keçiriləcək Dünya Kubokuna qatılacaqlar. Bu haqda «APA-Sport» agentliyinə milli komandamızın baş məşqçisi Hidayət Şabanov məlumat verib. Onun sözlərinə görə, iyunun 27-də start götürəcək yarış bütün yaş kateqoriyalarında keçiriləcək. Lakin H.Şabanov ölkəmizin əsasən, yeniyetmə və gənclərin mübarizəsində təmsil olunacağını açıqlayıb: «Böyüklərdən ibarət yığmamız iki ay öncə Estoniyanın paytaxtı Tallində keçirilən Avropa çempionatında ölkəmizi layiqincə təmsil ediblər. İndi biz eyni uğuru yeniyetmə və gənc karateçilərimizdən gözləyirik. Bu səbəbdən, böyüklərdən ibarət komandamızın əksər üzvlərini daha məsul yarışlara hazırlayacağıq». Yarış dörd gün davam edəcək.
Qeyd edək ki, Avropa çempionatında karateçilərimiz bir qızıl, bir gümüş və bir bürünc medal qazanıblar.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub