Bakı. Kənan Həsənov - APA-Sport. İyunun 28-də Almaniyanın Dortmund şəhərində şahmat üzrə ənənəvi superturnir start götürəcək. “APA-Sport” agentliyinin məlumatına görə, XX kateqoriyalı yarışda ölkəmizi ardıcıl ikinci dəfə milli komandamızın üzvü Şəhriyar Məmmədyarov təmsil edəcək. Dortmundda, həmçinin Vladimir Kramnik (Rusiya), Vasili İvançuk (Ukrayna), Peter Leko (Macarıstan), Arkadi Naydiç (Almaniya), Luk van Veli (Hollandiya), Yan Nepomnyaşi (Rusiya) və Yan Qustafsson (Almaniya) kimi tanınmış qrossmeysterlər mübarizə aparacaqlar. Dairəvi sistemlə keçiriləcək superturnirin mükafatçıları iyulun 6-da müəyyənləşəcək.
Qeyd edək ki, Ş.Məmmədyarov ötən il təşkil edilən yarışda 3,5 xal toplamaqla 5-ci olub. Birinci yeri isə 5 xalla V.Kramnik tutub.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub