Bakı. Kənan Həsənov - APA-Sport. İtaliyanın Turin şəhərində bədii gimnastika üzrə XXIV Avropa çempionatı start götürüb. “APA-Sport” agentliyinin Gimnastika Federasiyasının mətbuat katibliyinə istinadən verdiyi məlumata görə, yarışın birinci günü milli komandamızın üzvləri üçün uğurlu alınmayıb. Belə ki, yeniyetmələr arasında çıxış edən iki gimnastımız fəxri kürsüyə yüksələ bilməyib. Samirə Mustafayeva halqa ilə çıxışına görə hakimlərdən 23,25 xal alıb və 33 gimnastın sıralamasında 9-cu yeri tutub. İplə proqramı yerinə yetirən Nigar Əbdüsəlimova (21,35 xal) 26-cı olub. S.Mustafayeva bu gün topla, N.Əbdüsəlimova isə lentlə proqramı təqdim edəcək.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub