Bakı. Kənan Həsənov - APA-Sport. Gürcüstanın Batumi şəhərində 8 yaşadək oğlan və qız şahmatçılar arasında Avropa çempionatı start götürüb. “APA-Sport” agentliyinin məlumatına görə, turnirə qatılan beş təmsilçimizdən dördü ilk görüşünü qələbə ilə başa vurub. Oğlanların birinciliyində Çingiz Məhərrəmli latviyalı Arsen Batasevsi, Şəmşəd Axundov gürcüstanlı Luka Loladzeni məğlub edib. Abdulla Qədimlinin digər yerli şahmatçı David Qvenetadze ilə oyununda heç-heçə qeydə alınıb. Qızların yarışında Xanım Balacayeva gürcüstanlı Nana Kakaladzeyə, Günay Məmmədzadə isə türkiyəli Esin Sakallıya qalib gəlib. Öncədən iştirakları təsdiqlənən təmsilçilərimizdən, Ağəli Hüseynzadə, Ayxan Musazadə və İlyas Həsənli Avropa çempionatına qatılmayıblar.
Qeyd edək ki, İsveçrə sistemi ilə keçirilən və 9 turdan ibarət olan yarış iyunun 14-də başa çatacaq.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub