Bakı. Elşən Məmmədov - APA-Sport. Beynəlxalq Olimpiya Komitəsi istifadəsi qadağan olunmuş dərman preparatının qəbulu ilə bağlı yeni cəzalar tətbiq edib. «APA-Sport» agentliyinin məlumatına görə, iki Olimpiya Oyunları arasında götürülmüş dopinq-testin nəticəsi müsbət olan idmançının cəzası 6 aydan çox olarsa, o, növbəti Olimpiadada çıxış edə bilməyəcək. Bu qayda 2008-ci il iyulun 1-dən qüvvəyə minəcək. Qadağa Pekin Olimpiadasınadək olan dövrə şamil olunmayacaq. Qərarı şərh edən İOC rəsmisi Jizel Devis deyib: «2008-ci il Yay Olimpiya Oyunlarından başlayaraq, dopinq-testi müsbət nəticə verən idmançının cəzası 6 aydan çox olarsa, o, 2012-ci il London Olimpiadasında çıxış etməyəcək. Mövqeyimizi çox sadə formada izah edə bilərik. Verdiyimiz qərar dopinqlə mübarizə istiqamətində irəliyə doğru bir addımdır».

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub