Bakı. Aqşin Əliyev - APA-Sport. Gənclər, kadetlər, kiçik kadetlər və ümidlər arasında 100 xanalı dama üzrə Azərbaycan çempionatı başa çatıb. Azərbaycan Dama Federasiyasının vitse-prezidenti İbrahim İsmayılovun “APA-Sport” agentliyinə verdiyi məlumata görə, yarışda Bakı ilə yanaşı, ölkəmizin digər şəhər və rayonlarının təmsilçiləri qüvvələrini sınayıblar. Çempionata qatılan qızların sayı az olduğundan onların oğlanlarla birgə oynamalarına icazə verilib. Yekunda gənclərdən (19 yaşadək) Aslan Aslanlı və Leyla Nəcəfova, kadetlərdən (16 yaşadək) Ənvər Novruzov və Renata Hacıyeva, kiçik kadetlərdən (13 yaşadək) Ülfət Hüseynbəyli və Həmidə Əhmədova, ümidlərdən (10 yaşadək) Famil Kamilli və Aytac Babayeva qızıl medala sahib çıxıblar. Bu damaçılar, həmçinin, 1-7 avqustda Polşada təşkil olunacaq Avropa çempionatına vəsiqə qazanıblar. İyunun 8-də isə gənclər, kadetlər, kiçik kadetlər və ümidlər arasında 64 xanalı (Braziliya versiyası) dama üzrə ölkə çempionatı start götürəcək. Yarışa iyunun 18-də yekun vurulacaq.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub