Bakı. Kənan Həsənov - APA-Sport. İtaliyanın Turin şəhərində keçirilən bədii gimnastika üzrə XXIV Avropa çempionatının ikinci yarış günü də Azərbaycan idmançıları üçün uğursuz alınıb. “APA-Sport” agentliyinin Gimnastika Federasiyasının mətbuat katibliyinə istinadən verdiyi məlumata görə, yeniyetmələr arasında çıxış edən gimnastlarımız fəxri kürsüyə yüksələ bilməyiblər. Samirə Mustafayevanın topla çıxışı 23,125 xal, Nigar Əbdüsəlimova isə lentlə rəqsi 20,975 xalla qiymətləndirilib və hər iki həmyerlimiz ilk “üçlük”dən kənarda qalıblar.
Qeyd edək ki, Avropa çempionatının birinci günündə S.Mustafayeva halqa, N. Əbdüsəlimova isə iplə hərəkətlərdə medal qazana bilməyiblər.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub