Bakı - APA-Sport. Çempionlar Liqasının qalibi olan İngiltərənin «Mançester Yunayted» klubu daxilində baş məşqçi Aleks Ferqyussonla portuqaliyalı legioner Kriştiano Ronaldo arasında gərginlik yaranıb. «APA-Sport» agentliyinin məlumatına görə, K.Ronaldo sabah start götürəcək Avropa çempionatına hazırlaşan Portuqaliya milli komandasının düşərgəsinə A.Ferqyussonun baş çəkməsinə qadağa qoyub. Şotlandiyalı mütəxəssis Nevşatel Universitetinə baş çəkdikdən sonra yaxınlıqda yerləşən Portuqaliya millisinin bazasında 23 yaşlı yetirməsi ilə görüşmək istəyib. Onun məqsədi son günlər K.Ronaldonun İspaniyanın «Real» komandasına keçəcəyi barədə şayiələrə aydınlıq gətirməkdən ibarət olub. Lakin Portuqaliya yığmasının kapitanı komanda yoldaşlarına A.Ferqyussonun bazada görünməsini istəmədiyini bildirib.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub