Bakı. Aqşin Əliyev - APA-Sport. Futzal üzrə Rusiya çempionatının 2007/08 mövsümü yekunlaşıb. “APA-Sport” agentliyinin məlumatına görə, Azərbaycan yığmasının üzvü Vitali Borisovun şərəfini qoruduğu “Dina” klubu yarışı qələbə ilə başa vurub. “Lipetsk” komandasını qəbul edən paytaxt təmsilçisi ilk görüşdə 4:1, ikinci matçda isə 6:3 hesablı qələbə qazanıb. Tərəflər arasında keçirilən ikinci qarşılaşmada qollardan birinə həmyerlimiz imza atıb. 32-ci dəqiqədə fərqlənən V.Borisov “Dina”nın əzmkar qələbəsində pay sahib olub. Beləliklə, futzalçımızın komandası 48 oyundan 73 xal toplayaraq, 6-cı yeri tutub. V.Borisov isə 17 matçda 6 qol vuraraq, klubun ən məhsuldar oyunçuları siyahısında 7-ci pillədə qərarlaşıb.
Qeyd edək ki, transfer hüququ Naxçıvan “Araz”ına məxsus olan V.Borisov bu ilin yanvarından icarə əsasında “Dina”nın şərəfini qoruyur. Onun karyerasını “Dina”da davam etdirib-etdirməyəcəyi hələlik bilinmir.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək