Klagenfurt. Elşən Məmmədov - APA-Sport. Almaniya yığma komandasının futbolçusu Lukas Podolski Avropa çempionatında Polşa millisinin qapısından iki qol keçirsə də, heç birinə sevinməyib. “APA-Sport” agentliyinin məlumatına görə, 24 yaşlı hücumçu buna səbəb kimi əslən polşalı olmasını göstərib: “Polşada doğulmuşam və həmin ölkədə böyük ailəm var. Bunlar mənim üçün çox vacib məqamlardır. Ona görə də polşalıların qapısına qol vurarkən, qarışıq hisslər keçirirdim”. L.Podolski B qrupundan növbəti mərhələyə çıxmaq üçün hələ mübarizə aparmalı olduqlarını vurğulayıb. O, Polşa üzərində qələbəni irəliyə doğru cəmi bir addım hesab edib: “İndi daha irəli getmək lazımdır, qüvvəmizi toplamaq üçün iki günümüz var. Sonra isə məşqlərə başlayacağıq. ¼ finala vəsiqə uğrunda mübarizə davam edir”.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub