Bakı. Elşən Məmmədov - APA-Sport. Dağıstanda sərbəst güləş üzrə SSRİ çempionu Surroqat Asyatilovun şərəfinə beynəlxalq turnir keçirilib. Yarışda Azərbaycanın yeniyetmələrdən ibarət yığma komandası ikinci heyətlə təmsil olunub. Millimizin baş məşqçisi Firdovsi Umudovun «APA-Sport» agentliyinə verdiyi məlumata görə, komandamız turnirdən 1 gümüş, 3 bürünc medalla qayıdıb. Pəhləvanlarımızdan Mircəlal Həsənzadə (38 kq) yalnız finalda uduzaraq ikinci yeri tutub. Elçin Məmmədov (42 kq), Ümid Məmmədov (58 kq) və Kamran Yunusov (76 kq) üçüncü yerlə kifayətləniblər.
Qeyd edək ki, əsas yığmamız 24 - 29 iyunda Latviyanın Dauqavpils şəhərində keçiriləcək Avropa çempionatında çıxış edəcək.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub