Bakı. Vüqar Xeyrullayev - APA-Sport. İtaliya milli komandası 25 ildən sonra böyük hesabla məğlub olub. “APA-Sport” agentliyinin məlumatına görə, Avstriya və İsveçrədə keçirilən Avropa çempionatında keçirdiyi ilk matçında Hollandiya yığmasına 0:3 hesabı ilə uduzan italiyalıların seriyası qırılıb. Roberto Donadoninin yetirmələri 25 ildən sonra böyük hesabla uduzub. İtaliya yığması son dəfə 1983-cü ilk oktyabrın 15-də belə yenilgi almışdı. Onlar 1984-cü il Avropa çempionatının seçmə mərhələsi çərçivəsində İsveçə öz meydanında 0:3 hesabı ilə uduzmuşdu. Maraqlıdır ki, həmin məğlubiyyəti alanda da italiyalılar sonuncu dünya çempionu adını daşıyırdı. İtaliya 265 oyundur böyük hesabla yenilmirdi. Qeyd edək ki, bu həm rəsmi, həm də yoldaşlıq oyunlarına aiddir.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub