Bazel. Elşən Məmmədov – APA-Sport. “Türkiyə yığması ilə qarşıdakı oyunumuzda üç il öncə baş vermiş davanın təkrarlanmayacağına ümidvarıq”. “APA-Sport” agentliyinin məlumatına görə, bu sözləri İsveçrə milli komandasının yarımmüdafiəçisi Trankilyo Barnetta deyib. Avropa çempionatında Türkiyə yığmasına qarşı sabah keçirəcəkləri oyun haqda fikirlərini bölüşən 24 yaşlı futbolçu “ay-ulduzlular”la 2006-cı il dünya çempionatının pley-off oyunundan sonrakı olayları yaddan çıxarmadıqlarını vurğulayıb. Almaniyanın “Bayer” klubunda çıxış edən T.Barnetta 2005-ci ilin noyabrında İstanbul şəhərindəki “Şükrü Saracoğlu” stadionunda keçirilmiş cavab oyunundan sonra meydançada və tuneldə baş vermiş toqquşmanın hamıda mənfi emosiyalar yaratdığını söyləyib: “Əlbəttə, biz həmin vaxt baş verənləri unutmamışıq. Yenidən eyni hadisənin baş verməyəcəyinə ümid etsək də, qarşıdakı oyunumuzun sərt alınacağına əminəm. Fikrimcə, biz qalib gələcəyik”.
Qeyd edək ki, A qrupunda yer alan Türkiyə və İsveçrə yığmaları arasında görüş sabah Bakı vaxtı ilə saat 23:45-də başlanacaq. İlk turda İsveçrə Çexiyaya 0:1, Türkiyə isə Portuqaliyaya 0:2 hesabı ilə uduzub.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub