Bakı. Vüqar Xeyrullayev - APA-Sport. İspaniya milli komandasının hücumçusu David Vilya Avropa çempionatlarının tarixinə düşüb. “APA-Sport” agentliyinin məlumatına görə, ispaniyalı futbolçu qitə birinciliyinin final mərhələsində het-trikə imza atan 7-ci oyunçu olub. Avstriya və İsveçrədə keçirilən turnirin ilk turunda Rusiya üzərində qələbəyə (4:1) 3 qolla töhfə verən D.Vilya final mərhələlərinin 8-ci het-trikini rəsmiləşdirib. Yalnız UEFA-nın hazırkı prezidenti fransalı Mişel Platini iki matçda belə uğura nail olub. İndiyədək yalnız 4 yığma təmsilçiləri bunu bacarmışdısa, 27 yaşlı hücumçu ilk ispaniyalı kimi adını siyahıya yazdırıb.
Qeyd edək ki, son het-trik 8 il əvvəl keçirilən Hollandiya – Yuqoslaviya matçına təsadüf etmişdi.

il	futbolçu	komandası	rəqib	hesab
1976	Diter Müller	AFR	Yuqoslaviya	4:2
1980	Klaus Allofs	AFR	Hollandiya	3:2
1984	Mişel Platini	Fransa	Belçika	5:0
1984	Mişel Platini	Fransa	Yuqoslaviya	3:2
1988	Marko van Basten	Hollandiya	İngiltərə	3:1
2000	Serjio Konseysao	Portuqaliya	Almaniya	3:0
2000	Patrik Klüyvert	Hollandiya	Yuqoslaviya	6:1
2008	David Vilya	İspaniya	Rusiya	4:1

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub