Bakı. Mehman Süleymanov - APA-Sport. “Çox xoşbəxtəm. Komandamız üç xal qazandı, mən də üç qol vurdum”. “APA-Sport” agentliyinin məlumatına görə, bu sözləri İspaniya yığmasının hücumçusu David Vilya deyib. Avropa çempionatının final mərhələsində Rusiya yığmasını böyük hesabla məğlub etdikləri (4:1) oyunda het-trik edən 27 yaşlı futbolçu daha çox qol vurmalı olduğunu bildirib: “Oyundan sonra mənim də qaçırdığım qol imkanlarını müzakirə etdik. Dəqiq olsaydım, daha çox qol vura bilərdim. Hər halda, 4:1 hesablı qələbə belə oyun üçün pis nəticə deyil. Hücumdakı tərəfdaşım Fernando Torresin kölgəmdə qalmasından söhbət gedə bilməz. Fikrimcə, o möhtəşəm oyun keçirdi. Vurduğum ilk qola görə Torresə çox sağ ol deməliyəm. Elə bir əla ötürmə verdi ki, bundan sonra topu boş qapıya göndərməmək ayıb olardı”.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək