Bakı. Kənan Həsənov - APA-Sport. Azərbaycanın boks üzrə yeniyetmələrdən ibarət milli komandasının iyunun 22-də Bolqarıstanın Plovdiv şəhərində start götürəcək Avropa çempionatına qatılacaq heyəti müəyyənləşib. Bu haqda “APA-Sport” agentliyinə Boks Federasiyasının baş katibi Tofiq Babanlı məlumat verib. Onun sözlərinə görə, bu nüfuzlu yarışda 9 həmyerlimizin iştirakı nəzərdə tutulub. Baş məşqçi Rasim Məmmədovun rəhbərlik etdiyi heyətə Salman Əlizadə (46 kq), Elnur Zeynalov (48 kq), Elnur Əliyev (50 kq), Elvin İsayev (52 kq), Fərid Mansurov (54 kq), Elçin Məmmədov (57 kq), Tamerlan Abdullayev (60 kq), Samir Hacılı (66 kq) və Murad Ağayev (70 kq) cəlb olunublar. İyunun 28-də başa çatacaq turnirin hakimlər korpusunda isə milli komandamızın sabiq üzvü, Dünya Kubokunun qalibi Rövşən Hüseynov yer alacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək