Bakı. Aqşin Əliyev - APA-Sport. Azərbaycanın cüdo hakimi Elmar Babanlı beynəlxalq dərəcə almaq üçün Yunanıstanın paytaxtı Afinada təşkil olunan imtahandan uğurla çıxıb. Bu haqda “APA-Sport” agentliyinə Azərbaycan Cüdo Federasiyasının mətbuat xidmətindən məlumat verilib. Nəzəri və praktiki sınaqlardan ibarət imtahana iki həmyerlimiz - Elmar Babanlı və Fariz Hüseynov qatılıblar. Öncə nəzəriyyədən imtahan verən hakimlərimizin bilikləri yüksək qiymətləndirilib. Daha sonra E.Babanlı və F.Hüseynov Afinada böyüklər arasında keçirilən beynəlxalq turnirdə hakimlik bacarıqlarını göstəriblər. Praktiki sınaq zamanı yalnız E.Babanlının idarəçiliyi bəyənildiyi üçün ona beynəlxalq dərəcəli hakim statusu verilib. Bununla da, E.Babanlı Azərbaycanın beynəlxalq dərəcəli üçüncü cüdo hakimi olub. İndiyədək Beynəlxalq Cüdo Federasiyası və Avropa Cüdo İttifaqının bayrağı altında keçirilən yarışlarda Zair Məmmədov və Valeh Məhərrəmov hakimlik etmək hüququna malik idi.

• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib