Bakı. Elşən Məmmədov – APA-Sport. İspaniya milli komandasının baş məşqçisi Luis Araqones 2008-ci il Avropa çempionatında Yunanıstanla sabah keçirəcəkləri oyun üçün start heyəti müəyyənləşdirib. «APA-Sport» agentliyinin İspaniya mətbuatına istinadən verdiyi xəbərə görə, D qrupunun son tur qarşılaşmasında əsas heyətin cəmi bir oyunçusu ilk dəqiqələrdən meydana çıxacaq. Bu, 24 yaşlı yarımmüdafiəçi Andreas İnyesta olacaq. Digər mövqelərdə məşqçilər heyəti ilk iki matçda kifayət qədər oynamayan futbolçuları sınamaq qərarına gəlib. Belə ki, qapını Reyna qoruyacaq. Müdafiə xəttində Arbeloa, Albiol, Xuanito və Fernando Navarro yer alacaq. Yarımmüdafiəçi qismində Xabi Alonso, De la Red, Fabreqas, Serxio Qarsiya və İnyestaya şans veriləcək. Yeganə hücumçu isə İspaniya çempionatının bombardiri Daniel Quiza olacaq.

• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib