Vyana. Elşən Məmmədov – APA-Sport. İyunun 20-də keçiriləcək Avropa çempionatının ¼ final matçında Türkiyə milli komandası ilə qarşılaşacaq Xorvatiya yığmasında zədəlilər sırasına yenisi əlavə olunub. İtaliyanın «Parma» klubunda çıxış edən hücumçu İqor Budan dizindən aldığı zədə üzündən turnirlə vidalaşıb. «APA-Sport» agentliyinin məlumatına görə, bu haqda Xorvatiya millisinin baş məşqçisi Slaven Biliç məlumat verib. Onun sözlərinə görə, 28 yaşlı futbolçu İtaliyada əməliyyat olunacaq. Türkiyə yığması ilə oyunu, müdafiəçi Dario Knejeviç, habelə, yarımmüdafiəçilər Dario Srna və İvan Rakitiç də buraxacaq.
Qeyd edək ki, Avstriyanın paytaxtı Vyanadakı «Ernst Happel» stadionunda keçiriləcək oyun Bakı vaxtı ilə saat 23:45-də başlanacaq. Matçı italiyalı referi Roberto Rozetti idarə edəcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək