Bakı - APA-Sport. UEFA Nizam-İntizam Komitəsi Almaniya milli komandasının baş məşqçisi Yoahim Lövü bir oyunluq diskvalifikasiya edib. “APA-Sport” agentliyinin məlumatına görə, buna 45 yaşlı çalışdırıcının Avropa çempionatının B qrupunun son turunda Avstriya ilə görüşdə (1:0) texniki zonadan uzaqlaşdırılması səbəb olub. Y.Löv birinci hissənin sonlarında dördüncü hakim Dəmir Skomina ilə mübahisə etdiyindən qırmızı vərəqə alıb. Qalan vaxtda isə oyunu tribunadan izləyib. Beləliklə, sabah Portuqaliyaya qarşı 1/4 final görüşündə Y.Lövün texniki zonada oturmasına icazə verilməyəcək. Y.Lövlə yanaşı, Avstriyanın baş məşqçisi Yozef Hikersberger də qırmızı vərəqə ilə cəzalandırılsa da, UEFA onun barəsində qərar çıxarmayıb.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək