Bakı. Mehman Süleymanov - APA-Sport. “İlk növbədə Rusiya yığmasını ¼ finala çıxmaq münasibətilə təbrik edirəm. Onlar bu gün bizdən daha yaxşı oynadılar. Biz isə çox passiv idik”. “APA-Sport” agentliyinin məlumatına görə, bu fikirləri İsveç milli komandasının baş məşqçisi Lars Laqerbek Rusiyaya (0:2) uduzduğu oyundan sonra deyib. Son 6 ildə ilk dəfə mötəbər turnirlərin final mərhələsində qrupda qalan isveçlilərin çalışdırıcısının buna görə məyus olduğunu gizlətməyib: “2000-ci ildə Belçika və Hollandiyada keçirilən Avropa çempionatından sonra ilk dəfə qrupdan çıxa bilmədik. Öz oyunumuzu tapa bilmədiyimiz üçün üzgünəm. Ola bilsin ki, psixoloji amil həlledici rol oynadı. Biz matçın əvvəlindən imkanlarının ən yüksək həddində oynaya bilən komanda deyilik. Rusiya yığması isə çox güclüdür. Qus Hiddinkin yetirmələrinin yarımfinala çıxmaq üçün bütün şansları var. Rusiya yığmasını yaxşı öyrəndiyimizdən, rəqib bizə heç bir sürpriz etmədi”.

• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib