Bakı. Elşən Məmmədov - APA-Sport. Avropa çempionatında son iki ¼ final matçlarının hakimləri müəyyənləşib. “APA-Sport” agentliyinin məlumatına görə, iyunun 21-də İsveçrənin Bazel şəhərində keçiriləcək Hollandiya - Rusiya matçı slovakiyalı referi Lüboş Mihelə tapşırılıb. Ona həmyerliləri Roman Slisko və Martin Balko kömək edəcək. Ehtiyat hakim isveçrəli Massimo Busakka olacaq. Ertəsi gün Avstriyanın paytaxtı Vyanada baş tutacaq İspaniya – İtaliya qarşılaşmasına isə Herbert Fandel (Almaniya) təyinat alıb. Laynsmanlar Karsten Kadax və Volker Vedzel (hər ikisi Almaniya), ehtiyat hakim Frank de Blekere (Belçika) olacaq.
L.Mihel əvvəllər İsveçrə – Türkiyə (1:2) və Fransa – İtaliya (0:2) matçlarının, H.Fandel Portuqaliya – Türkiyə (2:0) və Hollandiya – Fransa (4:1) qarşılaşmalarının baş hakimi olub.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək