Bakı. Elşən Məmmədov - APA-Sport. İyunun 24-də Latviyanın Dauqavpils şəhərində start götürəcək yeniyetmələr arasında Avropa çempionatına yollanacaq Azərbaycanın yunan-Roma güləşi üzrə yığma komandasının heyəti açıqlanıb. “APA-Sport” agentliyinin məlumatına görə, baş məşqçi Akif Əliyev altı gün davam edəcək qitə birinciliyində 10 mümkün çəkidən 9-da pəhləvanlarımızı sınaqdan çıxaracaq. Baltikyanı ölkəyə Allahşükür Paşazadə (42 kq), Eldəniz Əzizli (46 kq), Mahir Niftəliyev (50 kq), Kazım Məhəmmədov (54 kq), Rəsul Cunayev (58 kq), Toğrul Yunuslu (63 kq), Niyaməddin İbrahimov (69 kq), Süleyman Babayev (76 kq) və Əsəd Əsədzadə (85 kq) aparılacaq. Yalnız 100 kq çəkidə təmsilçimiz olmayacaq. Yarışın proqramına əsasən, iyunun 28-də A.Paşazadə, T.Niftəliyev, R.Cunayev, N.İbrahimov və Ə.Əsədzadə, ertəsi gün isə E.Əzizli, Q.Məhəmmədov, T.Yunuslu və S.Babayev döşək üzərinə çıxacaqlar.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək