Bakı. Elşən Məmmədov - APA-Sport. Beynəlxalq Güləş Federasiyaları Assosiasiyasının (FİLA) prezidenti Rafael Martinetti iyunun 25-də Bakıya gələcək. Bu haqda “APA-Sport” agentliyinə Azərbaycan Güləş Federasiyasında milli komandaların rəisi Yaqub Məmmədov məlumat verib. Onun sözlərinə görə, FİLA başçısının Azərbaycan paytaxtına səfəri mərhum prezident Heydər Əliyevin xatirəsinə həsr olunmuş sərbəst, yunan-Roma və qadın güləşi üzrə iyunun 27-də Bakı İdman Sarayında startı veriləcək “Qızıl Qran-Pri” turnirinin final mərhələsi ilə əlaqədar olacaq. R.Martinetti ilə yanaşı, FİLA İcraiyyə Komitəsi və Büro üzvləri də ölkəmizə təşrif buyuracaqlar. Üç gün davam edəcək yarışı izləyəcək FİLA prezidentinin Azərbaycanın idman rəsmiləri ilə görüşləri də nəzərdə tutulub.

• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib