Görüşün əsas vaxtında qapılara qol vurulmayıb. Əsas hadisələr isə qalibi müəyyən etmək üçün italiyalı baş hakim Roberto Rozzetinin əlavə etdiyi 30 dəqiqədə baş verib. Əlavə vaxtın ilk yarısında qapılara top vurulmasa da, növbəti 15 dəqiqədə iki qol qeydə alınıb. 119-cu dəqiqədə Rüştünün səhvi xorvatiyalı hücumçu İvan Klasniçin hesabı açmasına imkan yaradıb. Artıq hamının matçın elə bu hesabla nəticələnəcəyini düşündüyü an türkiyəli Semih Şəntürkün qapıya vurduğu dəqiq zərbə bütün Xorvatiyanı şoka salıb - 1:1. Penaltilər seriyasında xorvatiyalılar 4 zərbədən üçünü qeyri-dəqiq yerinə yetiriblər. Toplardan ikisi qapının yanından keçib. Daha bir zərbəni Rüştü qaytarıb və qol buraxdığı epizodda günahını müəyyən mənada sığortalayıb. Əvəzində “ay-ulduzlular” hər üç zərbəni dəqiq yerinə yetirməklə, qitənin dörd ən güclü komandası sırasına yüksəlib. Yarımfinalda Türkiyənin rəqibi Almaniya yığması olacaq. Görüş iyunun 25-də İsveçrənin Bazel şəhərindəki “Sent Yakob-Park” stadionunda keçiriləcək.

• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib