Bakı. Aqşin Əliyev - APA-Sport. Azərbaycanın yeniyetmə cüdoçuları Dağıstanın Qızılyurd şəhərində İmam Şamilin xatirəsinə həsr olunmuş ənənəvi XVI beynəlxalq turnirində iştirak ediblər. Bu barədə “APA-Sport” agentliyinə məlumat verən Bakının “İnter” klubunun baş məşqçisi Rauf Vəliyevin sözlərinə görə, yarışa 3 idmançı ezam olunub. Turnirdə uğurla çıxış edən Raul Qazıxanov (36 kq) yalnız finalda uduzaraq, gümüş medala layiq görülüb. Digər həmvətənimiz Nicat Rzaquliyev (30 kq) ilk görüşdə məğlubiyyət acısı daddığı üçün yarışla erkən vidalaşıb. Musa Mehdiyevin (50 kq) isə səhhətində problem yarandığından tatami üzərinə çıxmayıb. Beləliklə, “İnter”in cüdoçuları Dağıstandan bir medalla dönüblər.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək