Bakı. Kənan Həsənov - APA-Sport. Rusiyanın paytaxtı Moskvada olimpiya, 6 dəfə SSRİ, iki dəfə Avropa çempionu Valeri Popençenkonun xatirəsinə həsr olunan beynəlxalq boks turniri başa çatıb. “APA-Sport” agentliyinin məlumatına görə, ikinci dəfə təşkil olunan yarışa milli komandanın baş məşqçisi Nəriman Abdullayevin rəhbərliyi altında qatılan beş boksçumuzdan yalnız biri fəxri kürsüyə yüksəlməyi bacarıb. 54 kq çəki dərəcəsində döyüşən Rəhim Nəcəfov bütün təqiblərini məğlub edərək qızıl medal qazanıb. Digər təmsilçilərimizdən, Fərhad Acalov (64 kq), Emil Məhərrəmov (69 kq) Rüfət Xairbəyov (81 kq) və Azər Məmmədov isə ilk döyüşdə uduzaraq mübarizəni dayandırıblar.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb