Bakı. Aqşin Əliyev - APA-Sport. Fransanın Boe şəhərində kamandan oxatma üzrə Dünya Kubokunun 4-cü mərhələsi start götürüb. “APA-Sport” agentliyinin məlumatına görə, yarışda Azərbaycanın şərəfini Emil Akçurin qoruyur. Recurve növündə mübarizə aparan həmyerlimiz təsnifat mərhələsində uğursuzluğa düçar olub. Ümumilikdə 72 ox atan E.Akçurin 720 mümkün xaldan 592-ni toplayıb. Nəticədə 27 yaşlı idmançı 155 nəfər arasında 129-cu yeri tutub. O, ilk “64-lüy”ə düşə bilmədiyindən final mərhələsinə adlamağı bacarmayıb. Sabah Dünya Kuboku çərçivəsində XXIX Pekin Yay Olimpiya Oyunlarına lisenziya xarakterli yarış başlanacaq. Bu, E.Akçurinin olimpiadaya vəsiqə qazanması üçün son şansı olacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək