Bakı. Elşən Məmmədov - APA-Sport. Azərbaycanın yeniyetmə, gənc oğlan və qızlardan ibarət stolüstü tennis üzrə yığma komandaları iyulun 11-də İtaliyanın Terni şəhərində start götürəcək Avropa çempionatına qatılacaqlar. Bu haqda «APA-Sport» agentliyinə millimizin baş məşqçisi Aleksandr Zudov məlumat verib. Onun sözlərinə görə, 10 gün davam edəcək qitə birinciliyi yalnız komanda yarışlarından ibarət olacaq. Yeniyetmə oğlanların mübarizəsində ölkəmizi Rüstəm Əliyevlə Elçin Sevindikzadə təmsil edəcəklər. Komandamız seçmə mərhələdə İ qrupunda Xorvatiya, Hollandiya, Gernsey və Uelslə birgə yer alacaq. Tərkibi Səbinə Əhmədova və Suğra Talıbovadan ibarət yeniyetmə qızlardan ibarət millimiz J qrupunda Portuqaliya, Bosniya və Hersoqovina, Gernseyə rəqib olacaq. Gənc oğlanların yarışında Rafael Abramov, Cəfər Cəfərzadə və Yusif Quluzadənin çıxış edəcəyi yığmamız G qrupunda İtaliya, Slovakiya və Lüksemburqla qarşılaşacaq. Heyətinə Fatimə Hüseynova, Gülnarə Abbasova və Turanə Hacızadənin salındığı gənc qızlardan ibarət komandamız H qrupunda Danimarka, Bolqarıstan və Lüksemburqla görüşəcək.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb